Hatua hii inalenga kuwakilisha Benki Kuu ya DRC na kutoa leseni kwa ajili ya uundaji wa benki mpya pamoja na ufufuaji wa kampuni ndogo za fedha zilizopo. Nangaa, akizungumza katika mkutano wa waandishi wa habari, alieleza umuhimu wa hatua hii, akisisitiza kuwa itasaidia katika kutatua matatizo ya upatikanaji wa fedha kwa wakazi wa Nord-Kivu, Sud-Kivu na kuimarisha uchumi wa mji. “Tutateua mdhibiti wa mfumo wa benki katika eneo lililoachwa wazi kuwakilisha Benki Kuu, ambayo itatoa leseni kwa ajili ya uundaji wa benki mpya na ufufuaji wa kampuni ndogo za fedha zilizopo,” alisema.
Hii inakuja wakati ambayo wakazi wa Nord-Kivu, Sud-Kivu wanakabiliwa na changamoto za kifedha, huku wengi wakikosa huduma za msingi za kifedha kutokana na kuanguka kwa benki na taasisi za fedha ndogo. Mpango huu unatarajiwa kuleta mabadiliko na kusaidia kuinua hali ya maisha ya wananchi kwa kuwawezesha kupata huduma za kifedha kwa urahisi zaidi.
Kwa sasa, watu wa Nord-Kivu, Sud-Kivu wanatazama kwa matumaini utekelezaji wa mpango huo mpya, huku wengi wakiamini kuwa hatua ya Nangaa ni ya kupigiwa mfano na inaweza kuwa suluhisho la kudumu kwa matatizo yao ya kifedha.
